Literary Zone

Poetry-Yanda Swit Oh!

23 May 2011 at 05:31 | 1095 views

Yanda Swit Oh!

A poem in Krio by Les Rickford, Texas, USA.

yanda swit oh
i swit to yong boy
lekke dem fah wey fos wol kontri
wey, yu noh go dae wan dae
bot yu don yeri bot di switnes
so tay yu em am
lek rep mangro
wey yu don redi for fak
yu kin drim di switnes ol

yanda swit oh
lek Amerika
so dat wans yu don waka dae
yu noh wan ton bak egen
go nah yu yone kontri
nah dey normor yu want foh tap
or at list tek visa
foh dae go dae oltem oltem

yanda swit oh
so tay di ting dem wey yu dae mit na road
bifo yu enta sef
dem don swit yu
mek yu fuk fuk don grap
yu tit ol dae nah doe
bikos yu don kam nia dae egen

yanda swit oh
so tay yu go tell yu padi bot dae
bot yu noh wan kerr am go
leh I go si foh imsef
bifo dat
mek I go fen im yone tong
olman go waka im yone waka
go tek im yone ‘oliday

yanda swit oh
di shuga kin konfyus posin
from yong boy to poppay
Godrich to Frobay
inginia say wow
professor say hey
fada say hmm hmm
let us pray

yanda swit oh
i kin swella president
tonoba govament
mek man foget foh pay os rent
biznes man promis
yalla masidis

yanda swit oh
nah foh tek tem
I kin mek big man sef sidom
foh rayt poem
Yanda swit oh.

Les Rickford

Comments