Literary Zone

Poetry in Krio: Savis Man Krai

14 October 2010 at 07:39 | 1401 views

Savis Man Krai, (a poem in Krio, Sierra Leone’s lingua franca, by Les Rickford, USA).

aaaaiy
savisman bet im finga
i krai
i’ala wai

i krai oh, aah i krai

yay wata
boku wata
bita wata

bita bita krai

i krai so tae
bot di wata noh du
foh was fes sef
foh klia da wahala wey savisman bin don si
komot na im ’ed

pan ol wey i boxop
yay wata insai briwi wata sef
savisman kin still drim
di worwor

da tem wey fredman kontri
ton reybel kontri
ton babu yay libaman kontri

di ting dem wey motalman no yek foh du
to dem kompin
dem tem dae
wey shem don na kontri keng
dem tem dae mek savisman dae yek
tae tae naw

wan ’an man kam boku
grani dem ton ol ’ous rilay,
sports day
for dae ron ron
en jomp fench
butu biyen latrin
foh tek koba
sori ’at noh dae foh pikin

da tem wae dieman na komon tin’
dieman bizness smell pan wi
dog dem ton lepet
dae it motalman bif

broda en sista dem
wisef to wisef normor
foseka wetin

savisman memba far
en i krai

İ Les Rickford

Comments