Dis Chrismas
By Eddy Pratt, alias Odunbaku, London, UK.
Dis Chrismas, Modu doya nor gimme Roast Turkey
Do ya bo, nor gee me mulled wine or or Christmas pudding
Ar don tayah wit dat.
Gimme rice bread en cake
Gimme Ginger beer
Cook hot peppeh soup;
Ar wan for crack de hog foot bone wit me tit
Ehn suck di nemeneme.
Ar wan for cham de crown crown pan di cow fut
Tay me yase taya wit de sound.
Cook waite bitters en foofoo;
Moul de foofoo lek how me Granny Lauretta kin do
Nor foget me hoty hoty oh - ar get for member me fambul dem
Do ya Modu do dis for me;
Dis Chrismas make ar feel Salone.
Eddyp (2001)
Comments